Genius&sting

Genius&sting

Genius&sting
 
الرئيسيةمنتديات الصدقاءس .و .جشات العمالقةالتسجيلدخول

شاطر | 
 

 أمتحان الثانوية العامة 2008

اذهب الى الأسفل 
كاتب الموضوعرسالة
™mido9



ذكر
عدد الرسائل : 108
العمر : 29
الموقع : www.yahoo.com
العمل : COORDINATOR
الحاله الاجتماعيه : بحالات
تاريخ التسجيل : 26/04/2008

مُساهمةموضوع: أمتحان الثانوية العامة 2008   2008-05-20, 3:47 am

انا مش عارف ايه حكايتى مع موضوع الامتحانات

السؤال الأول: التعبير

اكتب ما لايقل عن 650 سطر فى أحد الموضوعات التالية

لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة


شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز



بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب



ــــــــــــــــــــــــــــــــــــــــــــــــــ

السؤال الثانى: القصة

من قصة ' وعهد الله ما انت داخل الانتخابات' .. اقرأ القطعة وأجب عن الآتى:

(ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟)

الأسئلة:

1-ما هى اللحمة؟ أو على الأقل حدد أقرب معنى خيالى لها


2-مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت


3-لماذ ضربه الرجل بالجزمة وليس بالعصى مثلا؟؟
(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى) اختر


4-حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا




ــــــــــــــــــــــــــــــــــــــــــــــــــ


السؤال الثالث القراءة

من موضوع ( الزعيم..والفنان.. والقدوة) اقرأ القطعة وأجب

(وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة)


1-دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
(أكيد معزوم – طبيعى معزوم – وربنا معزوم).. اختر على أن تضع إيدك على المصحف وانت بتحلف للمراقب بتاع اللجنة




ــــــــــــــــــــــــــــــــــــــــــــــــــ


السؤال الرابع النصوص

أجب عن أحد النصين الآتيين

من نص ( ماشربتش من نيلها)..اقرأ ثم أجب

(ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها)



1-بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

(المسيسبى - الأمازون – يونج يانج)


2-هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه ورجَّعُه مكانه


3-أكمل الأبيات إلى آخر كحكة فى الكليب

4-قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى




ــــــــــــــــــــــــــــــــــــــــــــــــــ



من نص (حين ميسرة)..أجب عن الآتى

1-اذكر اسم مصيبة واحدة محصلتش فى النص الأسود ده


2-وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى


4-سبب وجود الشرطة كل خمس دقائق فى النص

(موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص) اختر



ــــــــــــــــــــــــــــــــــــــــــــــــــ

السؤال الخامس النحو

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا يابني آدم

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده




فُرِضت الضرائب علينا ببشاعة ..أعرب الجملة .. وارفع الضرائب أبوس إيدك


ــــــــــــــــــــــــــــــــــــــــــــــ

السؤال السادس الخط

كوز المحبة انخرم..طرطش على كمى..ياحبيبى بطل جفا وارحم عذاب ....


اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
الرجوع الى أعلى الصفحة اذهب الى الأسفل
http://yahoo.com
yes-love
الادارة
الادارة
avatar

ذكر
عدد الرسائل : 2474
العمر : 38
الموقع : http://yes-love-yes.yoo7.com/index.htm
الحاله الاجتماعيه : بحث عن الامان والراحه ؟؟؟
الاوسمة :
تاريخ التسجيل : 10/04/2008

مُساهمةموضوع: رد: أمتحان الثانوية العامة 2008   2008-05-20, 9:33 am

ههههههههههههههههههههههههههه
هههههههههههههههههههههههههههه

Genius&stinghttp://yes-love-yes.yoo7.com/forum.htm
إذا طعنت من الخلف فاعلم أنك في المقدمة
الرجوع الى أعلى الصفحة اذهب الى الأسفل
http://yes-love-yes.yoo7.com/index.htm
زائر
زائر
avatar


مُساهمةموضوع: رد: أمتحان الثانوية العامة 2008   2008-05-20, 8:15 pm


هههههههههههههههههههههههههه
اكيد دا كله من اللى انت شوفته يا محمد
الله يكون فى عون كل اللى بيمتحن
ربنا معاكم جميعااااااااا
الرجوع الى أعلى الصفحة اذهب الى الأسفل
SamaNagy
المدير العام
المدير العام
avatar

انثى
عدد الرسائل : 501
العمر : 26
الحاله الاجتماعيه : زى موج البحر
الاوسمة :
تاريخ التسجيل : 10/04/2008

مُساهمةموضوع: رد: أمتحان الثانوية العامة 2008   2008-05-20, 11:34 pm

هههههههههههههههههههههههههههههه

لا بجد انت مشكله و ان شاء الله قريب هنسافر كلنا على ايدك

على فكرة انا ما اعرفش ميدو انا جاية اجامل فى المنتدى بس هههههههههههههههههههه

بريئة يا بيه
الرجوع الى أعلى الصفحة اذهب الى الأسفل
 
أمتحان الثانوية العامة 2008
الرجوع الى أعلى الصفحة 
صفحة 1 من اصل 1
 مواضيع مماثلة
-
» مفاضلة الموازي 2008 2009 علمي
» البوم هايدى منتصر " عارفنى" 2008
» لاندكروزر هـدد 2008 ابيض ( صور )
» البوم بيجو عند امة 2008
» خاشع 2008 الجديد

صلاحيات هذا المنتدى:لاتستطيع الرد على المواضيع في هذا المنتدى
Genius&sting :: YES-LOVEمعلومات عامه :: شعبيات المنتدي yes-love :: منوعــــــــــات عامـــــــــه-
انتقل الى: