قاموس روش طحن للمصطلحات الروشة ادخل ياخويا انت وهو

بدون الدخول في تفاصيل أنقل إليكم مصطلحات ( الروشنة ) من باب ( الترويش ) علشان لو أي حد

عاوز يبقى ( روش ) يحفظله كام كلمة من دول وان شاء الله النتيجة مضمونة
....
وماتنساش تعمل شعرك ديل حصان ( لزوم الروشنة يعني ) على كام ( مامي ) و ( بابي ) تحطهم في وسط الكلام

, علشان تبقى انسان متفتح والا هايتقال عليك ( انسان بيئة ) و رجعي , .....

أنا عن نفسي فضلت اني اكون رجعي وانسحبت بهدوء من تلك المواقع قبل أن ( أقطع الخلف

) .....
صحيح مرارتي اتفقعت لكن مش مشكلة .... كله الا الخلف

مانا شاب برده ولسة عاوز اتجوز
....
ماعلينا
....
إليكم قاموس روش طحن للمصلحات الروشة :-
ونستهل بحرف الألف :-

- استمورننج :- لفظ يقال في الصباح بغرض تناول الطعام او التدخين او شرب الشاي حتي يفيق الشاب من نعاسه مثل
"هاروح اعمل استمورننج علي القهوه و جاي"

الابلتين لدع في دهاليز الحياه -: عباره تدل علي الخواء او الفوضي في الحياه و غالبا ما تاتي بقصد الفلس مثل
"مفيش فلوس و الابلتين لدع في دهاليز الحياه " اي الحياه خربانه

اعمل دماغ :- عباره مشهوره لدي المدخنين و يقصد بها ضبط الحاله المزاجيه عند المدخن

اديها جاز :-عباره تقال في مواقف المشاحنات بين الاصدقاء لزياده حده المشاجره مثل
"ادي الخناقه جاز علشان تولع "او "شعللها" سواء بالكلمات او توجيه اللوم لاحد المتشاجرين لكي يثور علي الاخر

ايه النظام :- عباره بمعني ايه الموضوع و لقد استغلت الكلمه في احد اعلانات الموبايل في نظام كروت الشحن
و العباره تدخل في العديد من الاحداث التي يتسائل فيه الشاب عن الاحداث الجديده مثل
" ايه النظام .........النظام في العظام"
و العباره الاخيره تفيد الاعتراض علي الاجابه بأسلوب فيه عبط و استهبال

اليط :- لفظ بمعني المتكبر الذي يتعامل مع الاخرين باسلوب فيه تعالي او ينظر الي الاخرين نظره دونيه متعجرفه

-: another stone تعني بالروش حجر اخر لشاربي الشيشه علي المقاهي

اتشبح :- مصطلح بمعني الضرب لدرجه اتعذيب و تقال شبحته اي اعتديت عليه بالضرب المبرح

ازبهل :-لفظ يدل علي الزهول الشديد و يقال" انت مزبهل كده ليه " اي مندهش لدرجه العبط

احلق :- و هو لفظ لا يعني الذهاب الي الحلاق لقص الشعر و لكنه يفيد تجاهل الغير مثل" احلق له" اي لا تفكر فيما يقول فهو لا يستحق

اتوبيس راجع بضهره :- عباره يقولها الشاب علي الفتاه الغير جميله و لها لدي الشباب اسماء اخري مثل " زي الكره الكفر" او "صب حته واحده"

اعلمه :- وهذا مصطلح يعني التشويه في جزء من الوجه بآله حاده مثلما اراد الفنان محمد سعد في فيلم الناظر
مع علاء ولي الدين" اعلمك بمطوه يا ابو صلاح ده ختم الصياعه"

انش -:لفظ مختصر لاسم "انشراح الخباثه" و هي شخصيه خياليه تعني السذاجه لدرجه الهبل

امبلايز-: مصطلح بمعني في الفاشوش اي ان الموضوع الذي سعيت من اجله لم يتم او تعبت علي الفاضي و تقال " الحياه في الامبلايز" اي ان الحياه خربانه و فاشله

ابجني تجدني:- عباره تعني انا يمكن شرائي بالمال و غالبا ما يقولها الموظفين

انجز بالونجز :- كل المشاكل التي تقابلها لها حل سريع مادمت تدفع المقابل و يقولون انها كانت نوع من من انواع السجائر قديما

ايه الحياه ؟ -:سؤال بمعني ماذا حدث اليوم و ما هو الجديد

الجفت :- كلمه تقال عند تجار الذهب بمعني غير الموضوع لان هناك زبون
ويقال "روح هات الجفت و تعالي" اي اسكت

اخلع الفرد :- عباره ماخوذه من لسان شاب جزمجي و تفيد معني ان من نتكلم عنه قادم

احنا اللي بهيظنا الفهايص :- عباره يطلقها قائد شله الفساد افتخارا بنفسه و معناها "انا اللي خليت الجميع يغيب عن الوعي"
أنتر :- مأخوذة من الأمر enter الخاص بالكمبيوتر , ويعني الشخص الذي لا يعيش له سر أو فاشح لاسرار الاخرين أو لديه استعداد للاستدراج في الحديث

أنتخ = أينح:- لفظ بمعنى جلس بدون هدف ينتظر الفرج حتى يأتي له

افتكس :- كلمة تعني القدرة على الاختراع أو التأليف في مجالات الحياة المتعددة ... والافتكاسة تتم بطابع العبط والاستظراف مثل :- " ايه اخر افتكاساتك يا عم ؟ "

وحسبي الله ونعم الوكيل

زائر

هههههههههههههههههههههههههههههههههه
والله انتى عسل يا نانوسه
هو دا كلام بيتقال يعنى ولا بيتقرى بس

نوسه نسيتي كلام تاني
افسح القرد = يعني يله امشي من وشي
ااصطباحه = عني صباح الخير
هاعمل استمورنج = يعني هافطر وجي
ههههههههههههههههههههههههههه
مش فاكر الباقي

دة انتوا قدام اوىىىىىىىىىىى
شباب خنتليش
مش هقول معناها اية
هههههههههههههههههه