فراغ عاطفي ..... حرمان عاطفي ...... وحدة
دي تلات مصطلحات في عالم الحب
او في حياة كل انسان ممكن يمر بيهم
او علي الاقل يمر باتنين منهم
لا مفر
نيجي لأول حاجة وهي الفراغ العاطفي
لما يبقي الواحد عايش قصة حب .. مستني يعيشها من زمان
كان اقصي امل في حياته ان يحب ويحلم يكمل حياته مع انسان بيحبه
ويكون فاكره ملاك وبيحبه وهيستناه العمر كله زي مابيقوله
وخلاص حياته اتبرمجت انه معاه وبس .. وعمره ما يتخيل ان في بعده حياة
او يتصور انه ممكن ييجي اليوم ويسيبه ويعيش بعده ويرتبط بغيره
ويحلم معاه .. ويعيشه في الحلم
وفجأة .... يصحي من الحلم علي كااابوس مالوش زي
ويبقي مش مصدق نفسه ومش مستوعب اللي بيحصل
ومش متخيل ان الملاك ده يطلع شيطان
ويعيش ايام مكانش يسمع عنها
ويلاقي الليل طويل .. والنهار اصلاً مبيشوفهوش
وتعدي الايام وهو بيتعذب .. وبعد كدة يحاول انه ينسي ويعيش الايام عادي
ويحاول يلاقي حب تاني ..... لكن مش سهل اليومين دول
ويفضل عايش يدور علي واحد تاني .. يحبهو ينسيه
ومش لاقيه .. ويبقي جواه كمية حب مش عارف يوديها فين
لدرجة انه يحب علي روحه
--------------------------------------------------------
ويتحول بعد كدة كل ده لحرمان
حرمان عاطفي من درجة الاولي
عايش من غير حب بس نفسه يحب
ومحروم من حاجة اسمها حب
محروم من حد يخاف عليه .. حد يبقي حنين عليه .. يهون عليه أي حاجة تضايقه
او حتي يغير عليه ويسأله رايح فين وجاي منين
---------------------------------------------
وكل ده بيزيد عليه الوحدة اللي بجد بتقتل
حتة لو حواليه اهله كلهم وصحابه
برده دول في كفة .. والحبيب في كفة لواحده
ده زي مابيتقال عليه النص الحلو
اللي بيشجعك علي كل حاجة في مذاكرتك وفي شغلك
ويخليك تحس بالدنيا
لكن من غيره بتبقي وحيد وحااسس انك لوحدك في الدنيا
وحاااسس بضعف
أسفه علشان طولت .. بس انا اندمجت
لأن الموضوع ده انا شوفته فى ناس كتيرة مرت بيه
وانا كنت بحاول اوصف لكن ده ميجيش نص
الحالات دي