اولا وعلي فكرة ان الموضوع ده مش في مصر بس بالعكس ده في كل مكان في العالم
بس من ضمن الحاجات اللي تضايق ان احنا مسلمين وكل واحد فينا ليه أخت ولو مش ليه اخت ليه ام او بنت بس السبب في كل ده البيئة والحياة والظروف اللي احنا عايشينها
لكم ان تتخيلوا ان التليفزيون بتاعنا ساعات بيعرض مواقف او أفلام لحوادث زي دي وساعات كتيرة المجرم مش بياخد جزائه فطبعا في ناس واشخاص كتيرة من اصحاب النفوس الضعيفة يقول في نفسه وايه اللي فيها هاعمل كده واهرب ومحدش يقدر يوصلي
والأصعب أن احنا كلنا مع كلام أحمد ان البنت بتبقي مغلوبة علي أمرها نفترض مثلا واحدة بتشتغل عشان هي وحيدة امها العاجزة واخواتها الصغيرين ووالدها متوفي وحصل ليها كده هتعمل ايه هتقعد في البيت ويضيع مستقبلها ومستقبل اخواتها
بجد حرام وكتير قوي اللي بيحصل ده
وساعات بنسمع عن متهمين بياخدو جزاءهم واللي يجنن ان في ناس مازالو بيعملو كده مع ان الواحد منهم لو سمع ان اخته مثلا اتعاكست بيقوم الدنيا ومش يقعدها طب ليه مش نحافظ علي بعض ليه مش نبص لدينا واسلامنا ليه مش نفكر في اصولنا وتقاليدنا
انا يمكن ليا لوم بسيط علي البنات او بعض البنات لأن في بعضهم بيخرج من البيت للأسف عشان يسمع كلمة من ده او يسمع كلمة اعجاب من ده وساعات كتيرة ملابسهم بتبقي فاضحة اكتر ما بتستر وكل الناس عارفة ان كل نفس أمارة بالسوء أنا مش برمي اللوم علي البنات بس انا قولت في الأول ان الشباب اللي بيعمل كده بيبقي من اصحاب النفوس الضعيفة
يارب اهدنا واهدي الشباب والبنات اصحاب النفوس الضعيفة وابعد عنا الشيطان وقربنا لدينا واستر بناتنا واخواتنا يارب